8ª sesión: REPASO FINAL e RETOS para pensar en verán

 

No mes de maio, como último obradoiro do Clube de Ciencia realizamos un repaso dos conceptos máis importantes aprendidos ao longo do curso... Pero non podía ser de outro modo, facéndoo de xeito manipulativo, a través da proposta de varios retos, onde hai que poñer o inxenio a traballar:

- INERCIA: consigue meter a pelota no recipiente cun só dedo.


- EQUILIBRIO: constrúe unha formación sobre dúas patas e ao final quítalle unha das patas sen que a estructura se caiga.

isto acabará caendo...


unha posible solución!

 
- RESISTENCIA: consigue manter unha pota no aire empregando como axuda uns folios...
 

conseguido!


- ELASTICIDADE: consigue sacar a moeda de debaixo do frasco sobre as dúas tapas, pero sen tocar o frasco, nin as tapas... nin a moeda!

si, o pano pódese tocar... e é algo elástico...


- AMORTIGUACIÓN: consigue que, ao deixar caer a caixa de mixtos, quede de pé no chan.
 

proba a abrir un pouco a caixa antes de deixala caer...


- DILATACIÓN: consigue tirar a moeda dentro do frasco sen tocar a moeda, nin o frasco, nin o pau de brocheta... só poderás usar gotas de auga neste reto...
 


- INXENIO: debuxa 9 puntos colocados de 3 en 3, logo consigue atravesar todos os puntos empregando só 4 liñas. Para probar podes usar papel e lápiz. Nesta ocasión, nós empregamos unha bandexa con area:

Non imos desvelar a solución... Como PISTA diremos que as liñas poden sair por fóra dos puntos antes de torcer en outra dirección...


Comentarios

Publicar un comentario

Publicacións populares deste blog

2ª sesión: AUGA

Imaxe
Nesta 2ª sesión do Clube de Ciencia centrámonos nas propiedades da auga:   A auga é a molécula esencial da vida, sen ela non existiríamos, e con esa base levamos a cabo unha sesión para coñecer máis sobre ela, cómo se comporta, xogar cos estados da materia da auga, aprender sobre a tensión superficial e outras propiedades incríbles que posúe a auga. Todo isto dun xeito manipulativo e práctico.  
Ler máis

3ª sesión: METEOROLOXÍA

Imaxe
No mes de decembro abordamos a Meteoroloxía , aproveitando que o centro está tamén inmerso no programa "Meteoescolas" dos Plan Proxecta da Xunta de Galicia, reforzando así este proxecto. En primeiro lugar repasamos conceptos meteorolóxicos, como que a Terra está cuberta dunha serie de capas que forman a atmosfera , e que na primeira capa, a troposfera , é na que se producen os diferentes fenómenos atmosféricos .   Distinguimos entre os elementos meteorolóxicos (vento, precipitacións, temperatura, humidade...) e os instrumentos meteorolóxicos para a súa medición (cataventos, anemómetro, pluviómetro, termómetro, higrómetro...). ............................................................................... Así tamén, antes de comezar a experimentar, aclaramos a diferenza entre "clima" e "tempo atmosférico".   ......................................................................... Primeiro, para comprender o máis difícil dos elementos meteorolóxicos,
Ler máis

Formación do profesorado (2)

Imaxe
  O 24 de febreiro pola tarde, no colexio, recibimos a segunda sesión de formación a cargo da empresa de divulgación científica "Arenaria Ciencia". Durante 3 horas realizamos experimentos empregando variado material, coa premisa de que fora fácil de conseguir e manipulable polo alumnado sen riscos. Así, empregamos produtos tan comúns como aceite, vinagre, auga, leite, sal, colorante alimentario, maizena, col lombarda, bicarbonato ou alcol. Tamén precisamos materiais e utensilios comúns como cartón, servilletas, bolsas de té, perlas de xel, pauciños das orellas, globos, plastilina, esparadrapo de papel, brochetas, fío, moedas, canicas, tapóns, vasos, frascos, palliñas, velas, mixtos, chisqueiro, culleres, coitelo, tesoiras, cazos... e máquinas como o secador ou unha placa eléctrica para quentar líquidos...  Tamén empregamos algún material específico de laboratorio como pipetas, vaso de precipitados, embude, morteiro, frasco lavador ou matraz Erlenmeier.   O obradoiro de
Ler máis