8ª sesión: OS SENTIDOS

 


A última sesión do Clube de Ciencias deste curso 2022/23 adicámola aos SENTIDOS, para reflexionar e experimentar con eles.

Para organizar a actividade dividimos ao grupo en diferentes estacións, adicadas aos diferentes sentidos para traballalos destas maneiras:


- VISTA (memoria visual):

Nunha caixa pechada agóchanse 15 obxectos, poderemos observalos durante 15 segundos antes de volver pechar a caixa, e finalmente comprobaremos cantos obxectos podemos nomear de memoria!




- TACTO (recoñecemento táctil):

Nunha caixa con 2 buratos para as mans agogochamos varios obxectos que debían ser identificados  empregando unicamente o sentido do tacto.



- TACTO (buscar parellas):

contamos con tarxetas que teñen diferentes texturas. Deberemos atopar as tarxetas que son iguais (parellas) unicamente empregando o tacto. So poderemos voltear as tarxetas para comprobar o resultado ao final!



- TACTO (manipulación de texturas):

outra estación presentaba ao alumnado unha selección de texturas pouco comúns, pola súa viscosidade, flexibilidade, elesticidade, rugosidade, aspereza, etc. Foi unha boa maneira de traballar as diferentes sensacións táctiles e poñerlles nome.



- TACTO (dominó):

para a seguinte actividade o alumnado tivo que vendar os ollos para anular o sentido máis predominante de todos, a vista. Así, mediante o emprego do tacto, había que ir agrupando as fichas deste "dominó táctil".




- OLFACTO (recoñecemento e descrición):

para traballar o olfato debemos novamente anular o sentido que máis empregamos comunmente, a vista. Deste xeito activaremos o funcionamento da nosa "pituitaria" e non enganaremos ao cerebro con información complementaria.

(Os produtos atópanse ocultos tras o papel de alumninio para evitar o seu recoñecemento)

Nesta estación debemos recoñecer os diferentes produtos empregando únicamente o olfacto, e intentar describir estes olores con palabras:


Por último descubrimos todos os produtos, nomeámolos e describímolos para mellorar o noso vocabulario relacionado co olfacto:


- OÍDO (recoñecemento - formar parellas):

nesta última estación empregaremos o oído para identificar o contido dunhas caixiñas, axitándoas como se fosen maracas. 

Debíamos tentar formar parellas coas caixas que tiñan o mesmo contido, identificándoas só a través do oído:


E finalmente, aquí están as parellas de caixas, agrupadas por ter o mesmo son:





Comentarios

Publicar un comentario

Publicacións populares deste blog

3ª sesión: METEOROLOXÍA

Imaxe
No mes de decembro abordamos a Meteoroloxía , aproveitando que o centro está tamén inmerso no programa "Meteoescolas" dos Plan Proxecta da Xunta de Galicia, reforzando así este proxecto. En primeiro lugar repasamos conceptos meteorolóxicos, como que a Terra está cuberta dunha serie de capas que forman a atmosfera , e que na primeira capa, a troposfera , é na que se producen os diferentes fenómenos atmosféricos .   Distinguimos entre os elementos meteorolóxicos (vento, precipitacións, temperatura, humidade...) e os instrumentos meteorolóxicos para a súa medición (cataventos, anemómetro, pluviómetro, termómetro, higrómetro...). ............................................................................... Así tamén, antes de comezar a experimentar, aclaramos a diferenza entre "clima" e "tempo atmosférico".   ......................................................................... Primeiro, para comprender o máis difícil dos elementos meteorolóxicos,
Ler máis

6ª sesión: COMO VOAN OS AVIÓNS

Imaxe
No mes de marzo realizamos unha iniciación aos principios da "aerodinámica". En primeiro lugar realizamos varias experiencias para poder observar o comportamento das masas de aire . Por exemplo, tratamos de apagar unha vela soprando en dous "escenarios" diferentes: - no primeiro había que soprar cun obstáculo con forma plana e aristas rectas . - no segundo había que soprar cun obstáculo con forma e aristas curvas . Outra experiencia similar consistiu en tratar de mover unha pelota de ping-pong : En ambas experiencias observamos que o aire non pode bordear as aristas rectas, mentres que as superficies curvas permítenlle circular acariciando o obstáculo , como envolvéndoo. De feito, o aire, ao chocar co tarro de cristal, que é curvo, rodéao e segue o seu camiño apoiado na mesa, ata mover a pelota de ping-pong. Agora estamos preparados para comprender como o aire é capaz de manter un corpo en suspensión , polas leis da aerodinámica e as forzas de rozamento . Para
Ler máis

2ª sesión: AUGA

Imaxe
Nesta 2ª sesión do Clube de Ciencia centrámonos nas propiedades da auga:   A auga é a molécula esencial da vida, sen ela non existiríamos, e con esa base levamos a cabo unha sesión para coñecer máis sobre ela, cómo se comporta, xogar cos estados da materia da auga, aprender sobre a tensión superficial e outras propiedades incríbles que posúe a auga. Todo isto dun xeito manipulativo e práctico.  
Ler máis